ZORAM TODAY| Aizawl 28th May, 2024 (Tue): Nimin leh nizan ruahsur nasa avanga tukin lama Aizawl leh a chhehvela chhiatna thlengah vawiin chawhnu dar 2 thleng khan ruang 18 hmuh a ni tawh a, ruang zawn mek hi 12 nia hriat a ni bawk, niin kan thu lakna chuan a tarlang.

Melthum a chhiat tawhna hmun aṭang hian ruang 12 hmuh a ni tawh a, zawn mek hi 6 niin an sawi. Hlimen ah hian ruang 3 an hmu tawh a, zawn mek hi 4 nia hriat a ni bawk. Salem veng ah hian ruang 2 an hmu tawh a, zawn mek hi 1 a ni. Tin, Falkawn chhiat tawhna aṭang hian ruang 1 an hmu tawh a, 1 an la zawng mek.

Aizawl veng hrang hrangah leimin ṭhahnemtak a awm a, veng panga a thlanmual pawh leimin vang hian a tawlh bawk a ni.

Leimin leh tui lian avang hian PHE department chuan hun eng emawti chhung Aizawl khawpui ah tui sem a khaihlak tur thu mipui hnenah hriattirna an ti chhuak tawh bawk.